പ്രത്യാശയുടെയും സമാധാനത്തിന്റെയും സന്ദേശം പകര്‍ന്നു കൊണ്ട് ലോകമെമ്പാടും ഉള്ള ക്രൈസ്തവര്‍ക്കൊപ്പം ഇപ്‌സിച്ചിലെ സെന്റ് മേരീസ് എക്യു മെനിക്കല്‍ ചര്‍ച്ചില്‍ ക്രിസ്തുമസ് പുതുവത്സരാഘോഷം ഡിസംബര്‍ 29 ഞായറാഴ്ച്ച ആഘോഷിച്ചു.
ഫാദര്‍ ജോമോന്‍ പുന്നൂസിന്റെ കര്‍മികത്വത്തില്‍ കഴിഞ്ഞ 19 വര്‍ഷമായി ഇപ്‌സ്വിച്ചില്‍ വിശുദ്ധകുര്‍ബാന അനുഷ്ഠിച്ചു വരികയാണ്. പതിവുപോലെ ഭക്തി സാന്ദ്രമായ വിശുദ്ധ കുര്‍ബാനക്കുശേഷം പള്ളി ഹാളില്‍ വച്ച് ക്രിസ്മസ് ന്യൂ ഇയര്‍ ആഘോഷിച്ചു. വിശുദ്ധ കുര്‍ബാനയിലും പുതുവത്സരാഘോഷത്തിലും നിരവധി വിശ്വാസികള്‍ പങ്കെടുത്തു.
പ്രത്യാശയുടെ വെളിച്ചത്തിലൂടെ സഞ്ചരിക്കാനും തെറ്റുകള്‍ തിരുത്തി ഈശ്വര വിശ്വാസത്തില്‍ അധിഷ്ഠിതമായ കുടുംബ ജീവിതം നയിക്കുവാനും, പുതുവര്‍ഷം ശാന്തിയുടെയും സമാധാനത്തിന്റേതുമാവട്ടെ എന്ന് വിശുദ്ധ കുര്‍ബാനയില്‍ പങ്കെടുത്ത ഏവരോടും ഫാ.ജോമോന്‍ പുന്നൂസ് ക്രിസ്മസ് ന്യൂ ഇയര്‍ സന്ദേശം നല്‍കി. പരസ്പരം ഉള്ള സ്‌നേഹവും പങ്കു വയ്ക്കലും കൂടി ചേരുമ്പോള്‍ ആണ് ക്രിസ്തുമസ് ഒരു വലിയ അനുഭവമായി തീരുന്നതെന്ന് കാര്‍മ്മികന്‍ ക്രിസ്തുമസ് സന്ദേശത്തില്‍ എടുത്ത് പറഞ്ഞു.
.jpeg)
.jpeg)
.jpeg)
പൂത്തിരിയുടെയും താള മേളങ്ങളുടെ യും അകമ്പടിയോടെ ക്രിസ്മസ് പാപ്പയെ ഹാളിലേക്ക് വരവേറ്റു. തുടര്‍ന്നു കേക്ക് കോമ്പറ്റിഷന്‍ നടത്തപ്പെട്ടു. വിശ്വസികള്‍ ഉണ്ടാക്കിയ വിവിധങ്ങളായ കേക്ക് മത്സരത്തില്‍ സൗമ്യ ഷെറൂണ്‍ ഒന്നാം സ്ഥാനവും, ജിഷ ജെയിന്‍ രണ്ടാം സ്ഥാനവും, ജയ ജോര്‍ജി, അനു ജിബി യഥാക്രമം മൂന്നും നാലും സ്ഥാനങ്ങള്‍ കരസ്തമാക്കി. ജോസ് ഗീവര്‍ഗീസിന്റെ നേതൃത്വത്തിലുള്ള ഗായകസംഘത്തിന്റെ ഗാനങ്ങളും ക്രിസ്മസ് കരോള്‍ ഗാനങ്ങളും തിരുകര്‍മ്മങ്ങളെ ഭക്തിയുടെ ഉന്നതിയില്‍ എത്തിച്ചു.
.jpeg)
.jpeg)
.jpeg)
സണ്‍ഡേ സ്‌കൂള്‍ കുട്ടികള്‍ അവതരിപ്പിച്ച അതിമനോഹരമായ നേറ്റിവിറ്റി സ്‌കിറ്റിലൂടെ ബത്ലഹേമിന്റെ മലച്ചെരുവുകളില്‍ ദൈവപുത്രന്റെ വരവറിയിച്ചുകൊണ്ട് രണ്ടായിരം വര്‍ഷം മുന്‍പ് മാലാഖമാര്‍ ആട്ടിടയന്‍മാര്‍ക്ക് സമാധാനത്തിന്റെ പുതിയ സന്ദേശം നല്‍കിയ ആ പുണ്യദിനത്തിന്റെ മാറ്റൊലികള്‍ വീണ്ടും വിശ്വാസികളുടെ മനസ്സില്‍ തെളിഞ്ഞു വന്നു. സന്‍ഡേ സ്‌കൂള്‍ കുട്ടികളുടയും മുതിര്‍ന്നവരുടെയും വിവിധങ്ങളായ കലാപരിപാടികള്‍ ഏവരും ആസ്വദിച്ചു.
.jpeg)
.jpeg)
.jpeg)
സ്വാദിഷ്ടമായ ഭക്ഷണം ക്രമീകരിക്കുന്നതില്‍ മികവ് തെളിയിച്ച ദി ഹട്ടിന്റെ വിഭവ സമൃദ്ധമായ 3 കോഴ്‌സ് ക്രിസ്മസ് ഫീസ്റ്റോടെ പരിപാടികള്‍ക്ക് പരിസമാപ്തി കുറിച്ചു. പള്ളി ട്രസ്റ്റി മനോജ് ഇടശ്ശേരിയുടെ നേതൃത്വത്തിലുള്ള കമ്മിറ്റി അംഗങ്ങളോടും, ആഘോഷ പരിപാടിയുടെ ഭാഗമായ ഏവരോടും സെക്രട്ടറി ഷെറൂണ്‍ തോമസ് നന്ദി പ്രകാശിപ്പിച്ചു.
More Latest News
അന്നേ വിശാലിന് കാഴ്ച നഷ്ടപ്പെട്ടു, ടെന്‍ഷന്‍ കാരണം ഒരുപാട് മരുന്ന് കഴിക്കുന്നുണ്ട്, നടന് മറ്റെന്തോ രോഗമെന്ന് ചെയ്യാറു ബാലു, 'പരിധി വിട്ട് സ്റ്റിറോയിഡുകളും ടെന്‍ഷനുള്ള മരുന്നും കഴിച്ച് വിശാല്‍ അസുഖബാധിതനായി'
'ഏതു രാജാവിന്റെ മകനായാലും നാര്‍ക്കോട്ടിക്‌സ് ഈസ് എ ഡെര്‍ട്ടി ബിസിനസ്'; സജി ചെറിയാന്റെ വാക്കുകള്‍ വമിപ്പിക്കുന്നത് വിക്ഷപ്പുക, വിമര്‍ശിച്ച് ദീപിക പത്രം
നടി ഹണി റോസിന്റെ ഫെയ്സ്ബുക്ക് പോസ്റ്റിനു താഴെ അശ്ലീല കമന്റ്: പരാതി കൊടുത്ത് താരം, കമന്റിട്ട 27 പേര്‍ക്കെതിരെ കേസെടുത്ത് പൊലീസ്
കലോത്സവം: മൂന്നാം ദിനമായ ഇന്ന് മുന്നില്‍ കണ്ണൂര്‍ ജില്ല തന്നെ തുടരുന്നു, കലാസ്വാദകരുടെ പ്രിയപ്പെട്ട ഇനങ്ങള്‍ ഇന്ന് വേദിയില്‍ എത്തുന്നു
36,008 നാളികേരങ്ങള്‍ എറിഞ്ഞുടച്ചത് കുന്നംകുളം കക്കാട് മഹാഗണപതി ക്ഷേത്രത്തിലെ ചടങ്ങ് ടൈം വേള്‍ഡ് റെക്കോര്‍ഡില്‍, ഇത്രയും നാളികേരം എറിഞ്ഞുടയ്ക്കുന്ന ചടങ്ങ് ലോക ചരിത്രത്തില്‍ ആദ്യമായി
Most Read
British Pathram Recommends
