യുകെയിലെ നോര്‍ത്ത് ഈസ്റ്റ് ഇംഗ്ലണ്ട് കേന്ദ്രീകരിച്ച് പ്രവര്‍ത്തിക്കുന്ന ഹിന്ദു സമാജത്തിന്റെ ആഭിമുഖ്യത്തില്‍ ഈ മാസം പന്ത്രണ്ടാം തീയതി ഞായറാഴ്ച രണ്ടു മണിമുതല്‍ മകരവിളക്ക് പൂജ അതിവിപുലമായും, ഭക്തി നിര്‍ഭരമായും നടത്തുന്നു. അന്നേദിവസം ഉച്ചയ്ക്ക് രണ്ടു മണി മുതല്‍ ഡെറം (ദര്‍ഹം)ബ്രാന്‍ഡന്‍ കമ്മ്യൂണിറ്റി ഹാളില്‍, കൊടിയേറ്റ്, അയ്യപ്പ ഛായാചിത്രവും വഹിച്ചുകൊണ്ടുള്ള പ്രദക്ഷിണം, ഭദ്രദീപം തെളിയിക്കല്‍,അയ്യപ്പ നാമാര്‍ച്ചന, പടിപൂജ, പ്രസാദ് ഊട്ട് എന്നിങ്ങനെ വിപുലമായ പരിപാടികളോടുകൂടിയാണ് ഇക്കൊല്ലത്തെ മകരവിളക്ക് പൂജ തീരുമാനിച്ചിരിക്കുന്നത്. പങ്കെടുക്കാന്‍ ഉദ്ദേശിക്കുന്ന ഭക്തജനങ്ങള്‍ കൃത്യസമയത്ത് തന്നെ എത്തിച്ചേരണമെന്ന് സംഘാടകസമിതി അറിയിക്കുന്നു. കൂടുതല്‍ വിവരങ്ങള്‍ക്ക് ബന്ധപ്പെടുക: അനില്‍കുമാര്‍ (ബിഷപ്പ്ഓക്ക്‌ലാന്റ്)-07828218916 വിനോദ് ജി നായര്‍(സന്ദര്‍ ലാന്‍ഡ്)07950963472 സുഭാഷ് ജെ നായര്‍- (ഡര്‍ഹം)07881097307 ശ്രീജിത്ത്- (ന്യൂകാസില്‍) 07916751283. നിഷാദ് തങ്കപ്പന്‍ (ഡാര്‍ലിംഗ്ടന്‍)07496305780 പരിപാടി നടക്കുന്ന സ്ഥലത്തിന്റെ വിലാസം: ബ്രാന്‍ഡന്‍ കമ്മ്യൂണിറ്റി ഹാള്‍, DH7 8PS

ഓഐസിസി (യു കെ) ഇപ്സ്സ്വിച് റീജിയന്റെ ആഭിമുഖ്യത്തില്‍ ഇന്ത്യന്‍ നാഷണല്‍ കോണ്‍ഗ്രസ് പാര്‍ട്ടിയുടെ 140 - മത് ജന്മദിനാഘോഷം രാജ്യസ്‌നേഹം വിളിച്ചോതുന്നതായി. ഇപ്‌സ്വിച് മേരി മഗ്ധലീന്‍ പള്ളി ഹാളില്‍ വച്ച് ജനുവരി 4ന് റീജിയന്റെ  ക്രിസ്തുമസ് - ന്യൂ - ഇയര്‍ ആഘോഷങ്ങളോടൊപ്പം സംയുക്തമായാണ് പരിപാടി സംഘടിപ്പിക്കപ്പെട്ടത്. അന്തരിച്ച മുന്‍ പ്രധാനമന്ത്രി ഡോ. മന്‍മോഹന്‍ സിംഗിന്റെ ഓര്‍മകള്‍ക്ക് മുന്നില്‍ പ്രണാമം അര്‍പ്പിച്ചുകൊണ്ട് ചടങ്ങുകള്‍ക്ക് തുടക്കം കുറിച്ചു. ഇന്ത്യന്‍ നാഷണല്‍ കോണ്‍ഗ്രസ് പാര്‍ട്ടിയുടെ പാതാകകളും ത്രിവര്‍ണ്ണ ബലൂണുകളും ക്രിസ്തുമസ് അലങ്കാരങ്ങളും കൊണ്ട് സമൃദ്ധമായി അലങ്കരിച്ച വേദിയില്‍, തിങ്ങിനിറഞ്ഞ സദസ്സിനെ സാക്ഷിയാക്കി ഓഐസിസി (യുകെ) നാഷണല്‍ പ്രസിഡന്റ് ഷൈനു ക്ലെയര്‍ മാത്യൂസ് ചടങ്ങ് ഉദ്ഘാടനം ചെയ്തു. മുഖ്യാഥിതിയായി പങ്കെടുത്ത കേംബ്രിഡ്ജ് മേയര്‍ Rt. Hon. Cllr. ബൈജു തിട്ടാല 'കോണ്‍ഗ്രസ് പാര്‍ട്ടിയുടെ ചരിത്രം' എന്ന വിഷയത്തെ ആസ്പദമാക്കി മുഖ്യപ്രഭാഷണം നടത്തി. ഓഐസിസി (യുകെ) ഇപ്‌സ്വിച് റീജിയന്‍ പ്രസിഡന്റ് ബാബു മാങ്കുഴിയില്‍ അധ്യക്ഷത വഹിച്ചു. ഓഐസിസി (യുകെ) നാഷണല്‍ ജോയിന്റ് സെക്രട്ടറി കെ ജി ജയരാജ് ആമുഖവും, റീജിയന്‍ ജനറല്‍ സെക്രട്ടറി അഡ്വ. സി പി സൈജേഷ് സ്വാഗതവും ആശംസിച്ചു. ഓഐസിസി (യുകെ) നാഷണല്‍ കമ്മിറ്റിയെ പ്രതിനിധീകരിച്ച് നാഷണല്‍ വക്താവ് റോമി കുര്യാക്കോസ്, കമ്മിറ്റി അംഗം ബേബി ലൂക്കോസ് തുടങ്ങിയവര്‍ പ്രസംഗിച്ചു. തുടര്‍ന്ന്, ചടങ്ങില്‍ പങ്കെടുത്ത അതിഥികളും നാഷണല്‍ / ഇപ്‌സ്വിച് റീജിയന്‍ കമ്മിറ്റി ഭാരവാഹികളും ചേര്‍ന്നു 140 - മത് ജന്മദിനം ആഘോഷിക്കുന്ന കോണ്‍ഗ്രസ് പാര്‍ട്ടിക്ക് ആശംസാവാചകം നേര്‍ന്നുകൊണ്ടുള്ള കേക്ക് മുറിച്ചു സന്തോഷം പങ്കിട്ടു. ക്രിസ്തുമസ് - പുതുവത്സര ആശംസകള്‍ നേര്‍ന്നുകൊണ്ട് സംസാരിച്ച നാഷണല്‍ പ്രസിഡന്റ് ഷൈനു ക്ലെയര്‍ മാത്യൂസ്, കോണ്‍ഗ്രസ് പാര്‍ട്ടി ഇന്ത്യ രാജ്യത്തിന് നല്‍കിയ മഹത് സംഭാവനകളും ഇന്നത്തെ ഇന്ത്യ രൂപപ്പെടുത്തുന്നതില്‍ കോണ്‍ഗ്രസ് വഹിച്ച നിസ്തുല പങ്കും എടുത്തു പറഞ്ഞു. കോണ്‍ഗ്രസ് പാര്‍ട്ടിയുടെ എണ്ണമറ്റ സ്വാതന്ത്ര സമരഭടന്മാര്‍ ബലിദാനം നല്‍കിയ അടിത്തറയിലാണ് രാജ്യം നിലനില്‍ക്കുന്നതെന്നും അവര്‍ കൂട്ടിച്ചേര്‍ത്തു. 1885 - ല്‍ രൂപീകൃതമായ ഇന്ത്യന്‍ നാഷണല്‍ കോണ്‍ഗ്രസ് പാര്‍ട്ടിയുടെ ചരിത്ര നാള്‍വഴിയും, സംഘടന ഉയര്‍ത്തിക്കൊണ്ട് വന്ന ആശയങ്ങളും പ്രവര്‍ത്തനങ്ങളും, സ്വതന്ത്ര സമര കാലത്തെ ഇടപെടലുകളും വളരെ സരളമായി തന്നെ കേംബ്രിഡ്ജ് മേയര്‍ Rt. Hon. Cllr. ബൈജു തിട്ടാല തന്റെ മുഖ്യപ്രഭാഷണത്തില്‍ പറഞ്ഞു. ഒരു രാജ്യത്തിന്റെ തന്നെ പൈതൃകം പേറുന്ന, മതേതര - ജനാതിപത്യ മൂല്യങ്ങള്‍ സംരക്ഷിക്കാന്‍ പ്രതിജ്ഞാബദ്ധമായ കോണ്‍ഗ്രസ് പാര്‍ട്ടിയുടെ സേവനങ്ങള്‍ ആരാലും മറക്കാന്‍ സാധിക്കാത്ത വിധം അഭേദ്യമാണെന്നും അദ്ദേഹം കൂട്ടിച്ചേര്‍ത്തു. ആഘോഷങ്ങള്‍ക്കായി ഒരുക്കിയ കലാവിരുന്നുകളും, ഫ്ളൈറ്റോസ് ഡാന്‍സ് കമ്പനിയിലെ കൊച്ചു മിടുക്കര്‍ അവതരിപ്പിച്ച ഡാന്‍സ് ഷോ, കേരള ബീറ്റ്‌സ് യു കെയുടെ കലാകാരന്മാര്‍ അണിയിച്ചൊരുക്കിയ സംഗീത വിരുന്ന്, ഡി ജെ, ഇപ്‌സ്വിച് റീജിയനിലെ കലാകാരന്മാര്‍ അവതരിപ്പിച്ച ഗാനങ്ങള്‍, മിമിക്രി തുടങ്ങിയവ ആഘോഷരാവ് അവിസ്മരണീയമാക്കി. ആഘോഷങ്ങളോടനുന്ധിച്ചു നടന്ന റാഫിള്‍ നറുക്കെടുപ്പില്‍ സമ്മാനങ്ങള്‍ കരസ്തമാക്കിയ ഭാഗ്യശാലികള്‍ക്കുള്ള സമ്മാനധാനം അതിഥികളും പരിപാടിയുടെ സ്‌പോണ്‍സര്‍മാരും ചേര്‍ന്നു നിര്‍വഹിച്ചു. പരിപാടിയുടെ സ്‌പോണ്‍സര്‍മാരായ ടിഫിന്‍ ബോക്‌സ് റെസ്റ്റോറന്റ്, മറിയും ടൂര്‍സ് & ട്രാവലേഴ്സ്, വൈസ് മോര്‍ട്ട്‌ഗേജ് & പ്രൊട്ടക്ഷന്‍, സമ്മാനങ്ങള്‍ സ്‌പോണ്‍സര്‍ ചെയ്ത കേരള സ്റ്റോര്‍സ് എന്നിവരോടുള്ള നന്ദി റീജിയന്‍ പ്രസിഡന്റ് ബാബു മാങ്കുഴിയില്‍ രേഖപ്പെടുത്തി. റീജിയന്‍ കമ്മിറ്റി അംഗങ്ങള്‍ ചേര്‍ന്നു തയ്യാറാക്കിയ വിഭവസമൃദ്ധമായ സ്‌നേഹവിരുന്നും പുലര്‍ച്ച വരെ നീണ്ടുനിന്ന ഡി ജെയോടും കൂടി പരിപാടിക്ക് സമാപനം കുറിച്ചു. നാഷണല്‍ ജോയിന്റ് സെക്രട്ടറിമാരായ കെ ജി ജയരാജ്, വിഷ്ണു പ്രതാപ്, ഇപ്‌സ്വിച്ച് യൂണിറ്റ് ഭാരവാഹികളായ അഡ്വ.  സി പി സൈജേഷ്, ജെനിഷ് ലൂക്ക, ജിജോ സെബാസ്റ്റ്യന്‍, നിഷ ജെനിഷ്, ജോസ് ഗീവര്‍ഗീസ്, നിഷ ജയരാജ്, ജിന്‍സ് വര്‍ഗീസ്, ജോണ്‍സണ്‍ സിറിയക്, ബിജു ജോണ്‍, ആന്റു എസ്തപ്പാന്‍, ജയ്‌മോന്‍ ജോസ്, ജെയ്‌സണ്‍ പിണക്കാട്ട്, ബാബു മത്തായി തുടങ്ങിയവരാണ് പരിപാടികള്‍ക്ക് നേതൃത്വം വഹിച്ചത്.

ഒരു ചിത്രലിപിയില്‍ പറയുന്ന കാര്യങ്ങള്‍ എന്താണെന്ന് മനസ്സിലാക്കി തരുന്നവര്‍ക്ക് വളരെ വിലപ്പെട്ട സമ്മാനം വാക്ദാനം ചെയ്ത് തമിഴ്‌നാട് സര്‍ക്കാര്‍. നൂറ്റാണ്ടിലേറെ കാലമായി നിഗൂഢമായി തുടരുന്ന ചില കണ്ടെത്തലുകളുണ്ട്. അതിലൊന്നാണ് സിന്ധു നദീതട സംസ്‌കാരവുമായി ബന്ധപ്പെട്ട ചില പുരാലിഖിതങ്ങള്‍. ഇവയെന്താണെന്ന് കണ്ടെത്തി ലിപിയുടെ കുരുക്കഴിക്കുന്നവര്‍ക്കാണ് സമ്മാനം ഓഫര്‍ ചെയ്തിരിക്കുന്നത്. ഇനി സമ്മാനം എന്താണെന്ന് അറിയേണ്ടോ? 8.57 കോടി രൂപയാണ് സമ്മാന തുക. സിന്ധുനദീതട നാഗരികതയുടെ ലിപികള്‍ ചിലത് ഇപ്പോഴും വ്യക്തമായി മനസ്സിലാക്കാന്‍ കഴിഞ്ഞിട്ടില്ല. ഈ നാഗരികതയുടെ ഭാഷയ്ക്ക് ദ്രാവിഡ ബന്ധമുണ്ടെന്നും തമിഴ് സംസ്‌കാരവുമായുള്ള ബന്ധം കണ്ടെത്തേണ്ടതുണ്ടെന്നും പ്രഖ്യാപിച്ചുകൊണ്ടായിരുന്നു മുഖ്യമന്ത്രി സ്റ്റാലിന്‍ സമ്മാനത്തുക (ഒരു ദശലക്ഷം യുഎസ് ഡോളര്‍) പ്രഖ്യാപിച്ചത്. സിന്ധു നദീതട സംസ്‌കാരം കണ്ടെത്തിയതിന്റെ ശതാബ്ദി ആഘോഷിക്കുന്ന ചടങ്ങിലാണ് തമിഴ്‌നാട് സര്‍ക്കാരിന്റെ പ്രഖ്യാപനം. ഇന്നത്തെ ഇന്ത്യ-പാകിസ്താന്‍ രാജ്യങ്ങളിലായി വ്യാപിച്ചുകിടക്കുന്ന പല മേഖലകളിലും നൂറ്റാണ്ടുകള്‍ക്ക് മുന്‍പുണ്ടായിരുന്ന സംസ്‌കാരമാണ് സിന്ധു നദീതട സംസ്‌കാരമെന്ന് വിശേഷിപ്പിക്കുന്നത്. വെങ്കലയുഗത്തില്‍ ബി.സി. 3300 മുതല്‍ ബി.സി. 1500 വരെയുള്ള കാലത്താണ് ഈ സംസ്‌കാരം നിലനിന്നിരുന്നതെന്ന് ഗവേഷകര്‍ പറയുന്നു. ഇവിടെ നിന്നുകണ്ടെത്തിയ ചില ഭാഷകള്‍ ഇപ്പോഴും മനസിലാക്കിയെടുക്കാന്‍ കഴിഞ്ഞിട്ടില്ല. ചിത്രലിപിയിലും മറ്റുമായി കുറിച്ചിട്ടുള്ള ഈ സ്‌ക്രിപ്റ്റ് ഡീകോഡ് ചെയ്‌തെടുക്കാനുള്ള ശ്രമം കാലങ്ങളായി തുടരുന്ന സാഹചര്യത്തിലാണ് തമിഴ്‌നാട് സര്‍ക്കാരിന്റെ പ്രഖ്യാപനമുണ്ടായത്.

ഇംഗ്ലണ്ട്: സോഷ്യല്‍ മീഡിയയില്‍ ഇപ്പോള്‍ വൈറലാകുന്നത് ഇംഗ്ലണ്ടിലെ ഷെഫീല്‍ഡിലെ ഒരു റെസ്റ്റോറന്റിനുള്ളിലെ വീഡിയോ ആണ്. റെസ്‌റ്റോറന്റിലേക്ക് എത്തിയ ചെറുപ്പക്കാര്‍ നടത്തിയ സംഘട്ടനമാണ് വൈറലാകുന്ന വീഡിയോയില്‍ ഉള്ളത്. എന്നാല്‍ ഈ തല്ലിന് പിന്നിലെ കാരണം റെസ്റ്റോറന്റ് മെനുവിലെ 'ബീഫ്' വിഭവങ്ങളുടെ പേര് കാരണം ആണെന്നതാണ് ഞെട്ടിക്കുന്ന സത്യം. ഒരു കൂട്ടം ചെറുപ്പക്കാര്‍ റെസ്റ്റോറന്റിലെ കൗണ്ടറിന് പിന്നിലായി ഇരിക്കുന്നു. പിന്നീടവര്‍ റെസ്റ്റോറന്റ് ജീവനക്കാര്‍ക്ക് നേരെ കയ്യില്‍ കിട്ടിയത് എടുത്ത് എറിയുന്നതും അസഭ്യം പറയുന്നതും വിഡിയോയില്‍ കാണാനാകും. റെസ്റ്റോറന്റിലെ മെനുവില്‍ ബീഫ് വിഭവങ്ങളുടെ പേര് കണ്ടതോടെയാണ് യുവാക്കള്‍ പ്രകോപിതരായതെന്നാണ്. ഇതാണ് മുട്ടന്‍ തല്ലില്‍ ചെന്ന് അവസാനിച്ചതും. എന്നാല്‍ ഈ വീഡിയോ കണ്ടവരില്‍ പലരും ഇന്ത്യക്കാരായ ഒരു കൂട്ടം ഹിന്ദുക്കളാണ് ബീഫ് വിഭവങ്ങളെ ചൊല്ലി റെസ്റ്റോറന്റ് ആക്രമിച്ചതെന്ന് ആരോപിച്ച് രംഗത്തെത്തിയത്, ട്വിറ്ററില്‍ വലിയ തോതിലുള്ള ചര്‍ച്ചകള്‍ക്ക് തുടക്കം കുറിച്ചു. റെസ്റ്റോറന്റിന് പുറത്ത് നിന്ന് ആരോ പകര്‍ത്തിയ ദൃശ്യങ്ങളാണ് സമൂഹ മാധ്യമങ്ങളില്‍ വൈറലായത്. മൂന്നാല് യുവാക്കള്‍ ചേര്‍ന്ന് റെസ്റ്റോറന്റ് ജീവിക്കാര്‍ക്ക് നേരെ കൈയില്‍ കിട്ടിയ സാധനങ്ങള്‍ എടുത്തെറിയുന്നതും അസഭ്യം വിളിക്കുന്നതും കേള്‍ക്കാം. ഈ സമയം ഒരു റെസ്റ്റോറന്റ് ജീവനക്കാരനെത്തി കൂട്ടത്തിലെ ഒരാളെ പിടികൂടി മുഖത്തിന് തന്നെ ഇടിക്കുന്നതും വീഡിയോയില്‍ കാണാം. ബീഫിനെ ചൊല്ലിയാണ് തര്‍ക്കമെന്ന് ചിലര്‍ പറയുന്നത് വീഡിയോയില്‍ കേള്‍ക്കാം. എന്നാല്‍, മറ്റ് ചിലര്‍ അതല്ല പ്രശ്‌നമെന്നും മറ്റെന്തോ ആണെന്നും പറയുന്നു. സംഭവത്തിന് ശേഷം പൊലീസ് അന്വേഷണം ആരംഭിച്ചതായും അക്രമികളെ അറസ്റ്റ് ചെയ്തതായും സ്ഥിരീകരിക്കാത്ത റിപ്പോര്‍ട്ടുകളുണ്ട്. അതേസമയം റെസ്റ്റോറന്റിനുണ്ടായ കേടുപാടുകള്‍ തീര്‍ക്കാന്‍ രണ്ട് ലക്ഷം രൂപ നഷ്ടപരിഹാരം നല്‍കണമെന്ന് ഉടമ ആവശ്യപ്പെട്ടെന്നും റിപ്പോര്‍ട്ടുകള്‍ പറയുന്നു.

ജനുവരി ഒന്‍പതുമുതല്‍ 12 വരെ എല്ലാ മൈജി, മൈജി ഫ്യൂച്ചര്‍ഷോറൂമുകളിലും മൈജി മഹാലാഭം സെയില്‍ നടക്കും. മുന്‍വര്‍ഷങ്ങളില്‍ മഹാലാഭം സെയിലിന് ലഭിച്ച വന്‍ ജനപിന്തുണയാണ് ഈ വര്‍ഷം ഇതേ സെയില്‍ ആവര്‍ത്തിക്കാന്‍ കാരണമായതെന്ന് മൈജി ചെയര്‍മാന്‍ ആന്‍ഡ് മാനേജിങ് ഡയറക്ടര്‍ എ.കെ. ഷാജി അറിയിച്ചു. ഡിജിറ്റല്‍ ഗാഡ്ജറ്റ്‌സ്, ഹോം ആന്‍ഡ് കിച്ചണ്‍ അപ്ലയന്‍സസ്, സ്‌മോള്‍ അപ്ലയന്‍സസ്, ഗ്ലാസ് ആന്‍ഡ് ക്രോക്കറി ഐറ്റംസ് എന്നിവയില്‍ 80 ശതമാനംവരെ വിലക്കുറവുണ്ടാവും. ഉപഭോക്താക്കളുടെ സൗകര്യാര്‍ഥം മൈജി ഫ്യൂച്ചര്‍ ഷോറൂമുകള്‍ക്ക് പുറത്തായി ഒരുക്കിയിട്ടുള്ള സ്‌പെഷ്യല്‍ പവിലിയനിലാണ് മൈജി മഹാലാഭം സെയില്‍ നടക്കുന്നത്. എല്ലാറ്റിനും ഏറ്റവും കുറഞ്ഞവിലയും ഏറ്റവും കുറഞ്ഞ ഇ.എം.ഐ.യുമാണ് ഈ സെയിലിലൂടെ ഉപഭോക്താവിന് മൈജി നല്‍കുന്നത്. സീറോ ഡൗണ്‍ പേയ്മെന്റില്‍ എ.സി. വാങ്ങാനുള്ള സൗകര്യമായ മൈജി എ.സി. എക്‌സ്‌പോയും മഹാലാഭം സെയിലിന്റെ ഭാഗമായുണ്ട്. 799 രൂപമുതല്‍ മൊബൈല്‍ഫോണ്‍ വാങ്ങാം. എല്ലാവര്‍ക്കും പ്രിയങ്കരമായ ഐഫോണ്‍, എസ് 24 അള്‍ട്ര എന്നിവ ഏറ്റവുംകുറഞ്ഞ ഇ.എം.ഐ.യില്‍ വാങ്ങാന്‍ അവസരമുണ്ട്. ഐപാഡ്, റെഡ്മി പാഡ് എന്നിവ ഡിസ്‌കൗണ്ട്‌റേറ്റില്‍ വാങ്ങാം. മൈജി മഹാലാഭം സെയിലിന്റെ ഭാഗമായി എല്ലാ ലാപ്‌ടോപ്പുകള്‍ക്കുമൊപ്പം വിലപിടിപ്പുള്ള കോംബോസമ്മാനമാണ് മൈജി ഉപഭോക്താവിന് സമ്മാനിക്കുന്നത്. സെലക്ട്ഡ് വാഷിങ് മെഷീന്‍ മോഡലുകള്‍, റെഫ്രിജറേറ്റര്‍ മോഡലുകള്‍ എന്നിവയില്‍ 60 ശതമാനം ഓഫറുണ്ട്. വിവിധ സ്‌ക്രീന്‍ സൈസുള്ള ടീവികള്‍ മൈജിയുടെ സ്‌പെഷ്യല്‍ പ്രൈസില്‍ വാങ്ങാം. ഡിജിറ്റല്‍ ആക്സസറികളില്‍ വമ്പന്‍ഓഫറാണ് മൈജി മഹാലാഭത്തിലൂടെ നല്‍കുന്നത്. കിച്ചണ്‍ ആന്‍ഡ് സ്‌മോള്‍ അപ്ലയന്‍സസിന്റെ ഏറ്റവും വലിയ നിരയാണ് മഹാലാഭത്തിലൂടെ നല്‍കുന്നത്.